Reff:
Oh … da Jamila da Jamila da bintang filim India
Boru ni kalibat parumaen ni pandita
Ai tung godang do halak sega di bahen ho da Jamila
Dirippu anak boru hape naung ina-ina oh Jamila
Marsambilu-sambilu manang marsabola-sabola
Hamu dongan na poso bege hamu ma angka poda
Poda-poda nauli tarlomobi sian natorasna
Digogoi do mangula pasikolahan anakonna
Sai songon solu bolon marsiadu tu bottean
Songoni ma natorasna patimbohon pangkat ni gelleng na
Oh … Jamila
(back to Reff:)
Minyak manubak Lobu dalan lao tu Porsea
Godang do anak boru godangan na so hasea
Margabus do di ula maradopon natorasna
Holan mangido hepeng didok lao parsibukkuna
Dihallung ma bukuna didok ma lao tu sikkola
Didayung ma sepeda hape mandapothon halletna
Oh Jamila
(back to Reff:)
Taon onom puluh pitu tu taon onom puluh walu
Maju ni zaman on tar lumobi di namarbaju
Gabe mar-celana jengky rio-rio nang baju-baju
Huhut markassa reben timbo muse dohot sipatu
Ai dang dipardulihon inanta i tinggal di jabu
Soaha be didok so adong laba mangalu-alu .. O Jamila
(back to Reff:)
Disempurnakan dari GoBatak.Com
